Velkomin í Súpuna

Barneignir og fjölskylda

Tue, 23 Sep 2008 10:17:54 GMT

Sælir hjúkrunarfræðingar!!

Til hamingju með útskriftina allir saman!vona að þið hafið átt gott sumar.

Skólinn byrjaður aftur, fyrir löngu reyndar, en ég var að spá hvort að einhver ykkar ætti bókina í barneignum og fjölskylda og myndi tíma að lána mér eða selja?

Annars er gott að frétta af mér, er í skólanum að taka heilsugæsluna og barneignir og fjölskylda og að vinna á A4 í 40% vinnu.

Það væri síðan gaman ef við myndum vera duglegar að skrifa hérna inn, þarf ekki að vera merkilegt bara gaman að heyra hvað fólk er að brasa eftir útskrift.

En ef einhver á þessa bók og tímir að lána mér eða selja þá væri það frábært.

Emailið mitt er helgau@hi.is mættuð bara senda á mig mail.

Kv. Helga

Glymur, Húsafell 2008

Wed, 09 Jul 2008 16:49:45 GMT

Nú er ferðanefndin búin að sitja sveitt yfir plani næstu helgar. Planið er svo hljóðandi:

Við munum leggja af stað rúmlega 9 á laugardagsmorgni 12. júlí n.k . Hist verður heima hjá mér, þ.e Tröllaborgum 23 í Grafarvogi. Ég legg til að við mætum hingað kl 9 og sameinumst í bíla.

9:00 Mæting í Tröllaborgir 23

9:20 Lagt af stað í Hvalfjörðinn

10:00 Komin í Botn Hvalfjarðar, gönguleið að Glym

10-13 Ganga og ásamt nestis stoppi (Getum alveg verið til kl 14)

13- 15 Keyrsla frá Hvalfyrði til Húsafells, gætum kíkt á Hraunfossa og Barnafoss?

15- 17 Komin í Húsafell, tjaldað, djúsað, getum farið í sund, golf, á brennu.

Mæli með einnota grilli, þar sem ég veit ekki til þess að það sé grillaðstaða í Húsafelli.

Sunnudagur

Heimför þegar okkur hentar:-)

Munið eftir, góðum skóm til að ganga í, tjaldi, svefnpoka, dýnu, hlýjum fötum, ekki hlýjum fötum, sundfötum, nærfötum, mat, drykk, bjór, lopapeysunni, pollabuxum, húmornum, góða skapinu og...

Einstaklingsgjald á tjaldstæði er 750 kr.

Við verðum að hafa samband við starfsmann áður en við töldum!

Það er salernisaðstaða á tjaldstæðinu, vaskar og þvottahús.

Góð umgengni skiptir miklu máli!

Hér er listi yfir þátttakendur:

Lilja, Ásta, Ragga, Sóley, Elsa, Vilborg, Kristbjörg, Erla, Eva, Rósa?, Helga?, Þuríður?, Rúna?

Kær kveðja

Ferðanefndin.

Glymur, Húsafell 2008

Wed, 09 Jul 2008 16:47:43 GMT

Nú er ferðanefndin búin að sitja sveitt yfir plani næstu helgar. Planið er svo hljóðandi:

9:00 Mæting í Tröllaborgir 23

9:20 Lagt af stað í Hvalfjörðinn

10:00 Komin í Botn Hvalfjarðar, gönguleið að Glym

10-13 Ganga og ásamt nestis stoppi (Getum alveg verið til kl 14)

13- 15 Keyrsla frá Hvalfyrði til Húsafells, gætum kíkt á Hraunfossa og Barnafoss?

15- 17 Komin í Húsafell, tjaldað, djúsað, getum farið í sund, golf, á brennu.

Mæli með einnota grilli, þar sem ég veit ekki til þess að það sé grillaðstaða í Húsafelli.

Sunnudagur

Heimför þegar okkur hentar:-)

Einstaklingsgjald á tjaldstæði er 750 kr.

Við verðum að hafa samband við starfsmann áður en við töldum!

Það er salernisaðstaða á tjaldstæðinu, vaskar og þvottahús.

Góð umgengni skiptir miklu máli!

Hér er listi yfir þátttakendur:

Ég, Ásta, Ragga, Sóley, Elsa, Vilborg, Kristbjörg, Erla, Eva, Rósa?, Helga?, Þuríður?, Rúna?

Kær kveðja

Ferðanefndin.

Gönguferðin

Sat, 21 Jun 2008 05:48:49 GMT

Eru ekki allir orðnir spenntir fyrir að fara saman í göngu og útileigu í sumar?
Þar sem ég var of sein að skipuleggja fimmvörðuhálsa ferð í vetur og ekki allir á það sáttir hvort farastjórn ætti að vera með eða ekki, hef ég ákveðið að breyta ferðaáætlun sumarsins.

Í Mexíkó ferð okkar fyrr í sumar, kom upp sú hugmynd að við gætum í stað þess að ganga Fimmvörðuháls gengið styttri og hættuminni göngu.

Hugmyndin er að ganga að fossinum Glym í Hvalfirði. Hvernig líst hópnum á þá hugmynd? Þetta er víst 2-3 klst ganga. Farið er innst í botn Hvalfjarðar (Botnskála), þar ekið inn gamlan malarveg að bílastæði, síðan er hægt að velja um nokkrar gönguleiðir sem leiða mann að fossinum sem er mjög fallegur! Síðan væri gaman ef hópurinn gæti síðan haldið ferðalaginu áfram eftir gönguna og endað í tjaldútilegu í Húsafelli, sem alltaf er vinsælt!
http://web.mac.com/sigurdursig/iWeb/EF30423D-5DDF-4AA9-BD8E-9B76D5AD8751/BC815DC2-C094-46DB-950D-00D1A2201438/F3E21041-F160-4E13-99E1-83F9168D7565.html
Hvað segja Hjúkrunarfræðingar við þessu?
Með kveðju
Ferðanefndin!

Lítið ljós kom í heiminn 21. Maí

Mon, 16 Jun 2008 13:01:50 GMT

Hæ elskurnar mínar allar,

Loksins læt ég verða að því að skrifa fæðingarfréttina hér inn. Ég var sem sagt búin að gleyma notendanafninu og það var bara svo voða flókið að senda eitt sms og spyrja um það;)

Þann 21. Maí kom æðisleg stelpu-rófa í heiminn;) Fæðingin gekk vel en hún var svolítið löng. Við byrjuðum heima en enduðum svo á fæðingarganginum. Mamman þurfti svo að vera eina nótt á sængurkvenna og var þá titluð "Frumbyrjan með óeðlilegu blæðinguna":d Litla ljósinu heilsast ofsalega vel. Hún mældist 50 cm og 3610g við fæðingu og er algjör draumur;)

Endilega kíkið á síðuna hennar: einsaogsvovudottir.bloggar.is

Innilega til hamingju stelpur með að vera loksins orðnar hjúkrunarFRÆÐINGAR!

Kær kveðja,
Svava Björk (nýbökuð mamma og hjúkrunarfræðingur) :d

Myndir frá Mexico!

Wed, 11 Jun 2008 00:07:26 GMT

Sælar allar saman!!

Mig langaði bara að þakka fyrir alveg FRÁBÆRA mexicoferð:) Við hjónin skemmtum okkur mjög vel í þessari vel heppnuðu ferð. Vona bara að hún hafi haldið áfram að vera jafn skemmtileg eftir að við fórum, efast reyndar ekkert um það.
Ég var að setja inn myndir úr ferðinni, setti þær bara allar inn, nennti ekki að velja úr. Þið getið skoðað þær hér
http://pilla21.shutterfly.com/action/pictures?a=67b0de21b34672c9e4ab

Síðan óska ég ykkur bara góðrar skemmtunar á laugardaginn, kannski að maður hitti einhverjar af ykkur í bænum, og fáum okkur saman tequila já eða bara einhvern góðan kokteil þar sem við erum orðnar sérfræðingar í þeim eftir ferðina. Já og má ekki gleyma að ég öfunda ykkur mikið af því að fá að sitja í 2klst og hlusta á ræður og horfa á aðra taka við skírteinunum sínum hehe.. kemur víst að mér seinna.

Til hamingju með útskriftina allir!! og takk fyrir frábær 4 ár!!

kveðja
Helga

Dömur mínar...3 dagar!!!

Fri, 23 May 2008 10:40:21 GMT

Mikið ofboðslega er orðið stutt í New York og Mexikó...maður er búin að bíða svo lengi að mér finnst óraunverulegt að þetta sé að gerast :haha:

En já það er að koma að þessu...seinasti virki dagurinn í dag til að redda því sem redda þarf og ég veit að ég verð allavega á fullu í dag að klára allt. Þessi færsla hafði nú engan annan tilgang en að ég fengi bara að tjá mig um hversu spennt ég er hehehehehehe

Vildi bara segja ykkur að ég var að kíkja á veðrið þarna úti og staðan er svona:

21°C í New York í dag og sól 8)
28°C akkúrat núna í Playa del Carmen (nota bene...kl. er 5 um nóttina þar og hitinn er samt sem áður þetta hár..ég mun bráðna 8| hehehehehe).

Jæja...komið nóg af kjaftæði í mér...hlakka bara rosalega til að sjá ykkur allar á mánudaginn ;)

kv. Rósa

Fimmvörðuháls

Wed, 21 May 2008 16:03:52 GMT

Ég vona að enn sé áhugi fyrir að ganga Fimmvörðuhálsinn eins og ég talaði um fyrr í vetur á síðunni? Ég er aðeins búin að grennslast fyrir um ferðir umrædda helgi. Ég talaði við þau hjá ferðafélaginu Útisvist. Þau fara með hópa á Fimmvörðuháls allar helgar í sumar. Það er ekki mælt með því að við séum að fara einar án fararstjórnar, þar sem þessi ganga er full af hættum! Auk þess sem við getum ekki reiknað með góðu veðri og gætum lent í ógöngum ef kæmi þoka.

Það sem útivist er að bjóða upp á er:

Ferð með:

Rútu báðar leiðir

og Gisting í skála

sem er 13.500 kr á einum göngudegi

Annars 17.800 á tveimur göngudögum

þar sem bætist við gisting í skála á leiðinni.

Þetta er auðvitaða ódýrara án skálagistingar.

Ef við getum borgað í eingreiðslu fáum við 5% afslátt.

Þau segja að þetta sé lágt verð sem þau bjóða og það geti kostað slatta að fá rútur o.fl.

Við vorum að tala um að fara helgina 11.-13. júlí.

Þá helgi er aðeins í boði hjá Útisvist að ganga á tveimur göngudögum þ.e lagt að stað með rútu kl 17 á föstudegi og gengið upp á hálsinn á sama kvöldi og gengið í Bása í Þórsmörk daginn eftir.

Síðan er í boði ef við förum með þeim að ganga á einum göngudegi 19.júlí. og þá er það 13.500 kr.

Þetta býður Ferðafélag Íslands okkur:

12. júlí

Lagt af stað að morgni laugardags kl. 8 frá Mörkinni 6 að Skógum undir Eyjafjöllum og gengið yfir Fimmvörðuháls og í Þórsmörk.Rútan flytur farangur í Langadal og sækir göngumenn þar sem komið er niður í Þórsmörk.Gist í Skagfjörðsskála. Farið í morgungöngu á sunnudegi og haldið tilReykjavíkur um hádegi.

Verð: 17.000 /20.000  Innifalið:Gisting, rúta, fararstjórn og grillveisla.

Síðan ef það er ferðafrömuður innan bekkjarins sem langar að taka að sér fararstjórn og rútuferð þá má hann láta í sér heyra?

Annars er þetta sem ég vildi sagt hafa.

Ef ég má segja mína skoðun þá er hún sú að svonaferðalög kosta pening, en þetta eru ferðir sem á eftir að skilja eftir sig mikið, þettaer í mjög fallegri íslenskri náttúru. Bara það að keyra frá Rvk til Þórsmerkurkostar pening. Ég er sjálf spennt fyrir helginni 11.-13. júlí, þar sem við komum á góðum tíma í Þórsmörk á laugardeginum. Þetta er að mínu mati strembin ganga þ.e fyrri helmingur, mjög mikið upp í móti.

Hvað segir bekkurinn?

Kveðja Lilja Dögg (ekki farastjóri)

Takk fyrir frábæran dag og kvöld

Sat, 17 May 2008 18:59:54 GMT

Ég vildi bara þakka fyrir frábæra skemmtun í gær!

Gaman hvað það mættu margir í gærkvöldi og hvað allir voru í góðu skapi! Enginn mjög niðurdreginn eftir kynninguna ;)

Þetta var sko toppurinn á náminu okkar! og punkturinn yfir i-ið!

Við erum alveg að verða hjúkrunarfræðingar.. bara svona korter í það :p eða kannski aðeins lengra...

kv.
Sóley

Blómvendir

Thu, 15 May 2008 14:29:07 GMT

Sælar stúlkur

Við skulum taka að okkur að kaupa blómvendina!
Vorum að hugsa um 300 kall á mann sem þið borgið okkur annað hvort á morgun eða leggið inn á reikning nr. 0172-26-015082 kt: 150882-5679

Endilega borgið sem fyrst svo við þurfum ekki að vera standa í því að rukka alla :)
Þetta er ekki mikill peningur.... en mikill fyrir okkur ef við lendum síðan í öllum kostnaðinum

Sjáumst á morgun :)
Kveðja Begga og Ólöf

16. maí 2008

Wed, 14 May 2008 20:17:41 GMT

Sælar

Jæja þá er það staðfest við verðum 71 stykki í mat á Hereford, hvað ætli við séum þá að borða mörg naut í allt!!! :$
Það komast allir með sem voru skráðir og ef einhverjar breytingar verða, viljið þá vinsamlega hafa samband við Hereford og láta þá vita hvort sem það bætist einhver við eða þið hættið við.

MÆTING ER KL. 19 á föstudaginn

En að öðru sem tengist þó sama degi, en hefð er fyrir því að gefa Ágústu og Ársæli blómvönd á rannsóknardeginum (tveir blómvendir) er einhver sem bíður sig fram í þau kaup? og sjá um að ákvarða hversu mikið hver þarf að leggja í púkk og halda utan um það

Kveðja,
Rakel

HEREFORD

Tue, 13 May 2008 08:46:08 GMT

Sælar stelpur, til hamingju með að vera búnar að skila ritgerðinni og vonandi gekk allt vel

ALLIR sem eru skráðir í matinn á HEREFORD inn á www.curator.is fengu póst frá mér og bið ég ykkur vinsamlegast að lesa hann sem fyrst :)

MENU 1 varð fyrir valinu sem kostar 5600 kr. Mæting kl. 19 á Hereford (ég ætla að reyna seinka því aðeins ef það sé hægt, læt ykkur vita)

Ef þið eruð skráðar í matinn eða maki ykkar en ætlið ekki að fara látið mig vita í síðasta lagi á morgun, miðvikudag fyrir kl. 17

KÍKIÐ SVO Á FÆRSLUNNA HENNAR LÁRU BETTYAR HÉRNA FYRIR NEÐAN UM BALL MEÐ PÁLI ÓSKARI Á NASA

Kveðja,
Rakel

DJAMM EFTIR RANNSÓKNARDAG

Sun, 11 May 2008 11:49:55 GMT

Sælar elskurnar og til lukku með að vera búnar að skila verkefninu :)

Ég var að spá með djammið eftir rannsóknardaginn...

Eigum við ekki allar að FJÖLMENNA á Pál Óskar á NASA eftir matinn?

Allavega, þar sem ég er svo hrikalega mikil Páls Óskars grúppía þá ætla ég að fara og vildi bara athuga stemminguna hjá restinni af bekknum :)

Legg til að þeir sem ætla að fara kaupi sér miða í forsölu sem er á NASA:
Fimmtudaginn 15. maí milli 14 og 20
Föstudaginn 16 maí milli 14 og 20

Vona að við mætum sem flestar af því ég veit það verður ÞRUSUSTUÐ :)

Lára Betty

13. maí Volare kynning!

Thu, 08 May 2008 10:09:26 GMT

Ég vil enn minna á kynninguna!
Kynning verður haldin heima hjá mér (Lilju Dögg) þann 13. maí n.k kl 20. Staður er Tröllaborgir 23 Grafarvogi (beint á móti Geldinganesinu og Esjunni- Norðast í Grafarvoginum). Allar að mæta!
Guðrún Hlin mun sjá um að kynna volare vörurnar.
Þetta eru frábærar húð- og hárvörur unnar úr aloe vera og fleiri góðum jurtum. Þar er meðal annars Aloe vera skyndihjálpargel sem er einstaklega gott á sólbruna, flugnabit og önnur óþægindi í húðinni.Einnig frábær sólarvörn og aftersun sem er auðvitað nauðsynlegt að hafa með til Mexíkó! J Guðrún verður með stutta kynningu á Volare og sýnir ykkur vörurnar og leyfir ykkur að prufa. Úrvalið er mikið og fyrir alla fjölskylduna. Síðan verður hún með sérstök tilboð fyrir ykkur þetta kvöld.

Hlökkum til að sjá ykkur,

Kveðja,

Guðrún Hlín og Lilja Dögg

Ritgerðarskrif!

Mon, 05 May 2008 14:15:59 GMT

Jæja stelpur... ég er búin að svitna yfir uppsetningu ritgerðarinnar núna síðustu klukkustundirnar að finna út úr því hvernig maður gerir blaðsíðutölin i. ii. iii. iv.. osfv fram yfir efnisyfirlit og svo 1, 2, 3 .... osfv.. skiljiði?
En fyrir ykkur sem hafið ekki hugmynd hvernig á að gera þetta fann ég síðu sem fer í gegnum þetta stig af stigi!
Áhugasamar kíkið á http://www.kemst.hi.is/vefur/sidur/word/lengri_skjol2_1.htm
Þetta gefur okkur kost á því að vera með allt skjalið á einum stað en ekki eitt skjal fyrir i.ii.iii blaðsíðutöl og annað fyrir 1,2,3,...
anyway.. þið sem kunnuð þetta eruð ógeðslega klárar! þið hinar, vonandi hjálpar þetta ykkur
KV.
Sóley

btw... bara þrjár vikur í MEXICO!!!!!